After receiving an overwhelm request from our hundred thousands of viewers to post as many as USEFUL TIPS, DCnepal has been trying its best to quench their thrust by doing so. The USEFUL TIPS in the DCnepal Main Page can assist the viewers to maintain healthy lives by adopting the tips posted on the daily basis. The Useful Tips, which means suggestion and advice that are based on fact and experience and can cure the problems based on subjects, will direct you about the usage of home based remedies, utilizing the spices, herbs and shrubs and the materials feasible in kitchen. In addition to that, the USEFUL TIPS can also clue to those couples whose nuptial lives are not going well.


Healthy as well as happy lives can be achieved through balance diet and physical exercises. For this, our USEFUL TIPS section focuses on the usage of organic foods, herbs, shrubs, home-made remedy and yoga. The section also imparts the ideas of maintaining relationship and getting love and marital life back on the track.

Many people would like to spend their time in exercising and joining the health clubs and live a healthier life. But most of us live busy lives. A day seems to be insufficient to manage everything. In this case, USEFUL TIPS section can be useful in maintaining healthier lives by adopting our tips by staying home.

Various veggies including onions, garlic, ginger, tomato among other can be used in curing different health related problems. At the same, different spices and herbs and shrubs such as cinnamon, coriander, cloves, olive, sesame seeds, turmeric and many others are found to have medicinal values. However, the ingredients should be applied in a proper way, and therefore, we have been suggesting to our valuable viewers to follow our methods and get their problems cured.

Similarly, The section too helps in improving the relationships. Various tips are provided to ease the rocky barriers in love lives. Likewise, The section of USEFUL TIPS will also assure in developing the personalities through various beauty tips. Generally the beauty tips are based on the home based remedies and have a very perfect impact on curing various problems relating to beauty and brain.

The ingredients being used in the home based remedies prescribed in the section are feasible at home and are out of side effect as well. They are even cheaper in price and can maintain sound health by curing the serious health hazards and other problems.

बनेपा असार १ । भूकम्पपछि त्रिपाल र टहरामा बस्दै आएका बेला असुरक्षित यौनसम्पर्कबाट रहनसक्ने गर्भ रोक्न आकस्मिक गर्भनिरोधक औषधि सेवन गर्ने बढेका छन्। गर्भ रोक्न आकस्मिक गर्भनिरोधक चक्कीको बिक्री बढ्दै गएको काभ्रेका स्वास्थ्यकर्मीले बताए। अन्नपूर्ण पाेस्ट दैनिकमा समाचार छ ।
बनपास्थित चण्डेश्वरी मेडिकल हलका असिन वैद्यले भने, ‘भूकम्पअघिको तुलनामा अहिले आकस्मिक गर्भ रोक्न चक्की (औषधि) को प्रयोग गर्नेको संख्या बढ्दै गएको छ। परिवार नियोजनका अन्य साधनको तुलनामा गर्भनिरोधक चक्की बढी बिक्री हुने गरेको छ।’
उनका अनुसार चक्की किन्न पसलमा दैनिक १५ देखि २० जना आउने गरेका छन्। ‘अधिकांश एक साताको ग्याप राखेर दोहो:याएर आउने गरेका छन्,”उनले भने, ‘औषधि लिन २० देखि २५ वर्ष उमेर समूहका महिला बढी आउने गरेका छन्।’
स्वास्थ्यकर्मीका अनुसार विशेषगरी उच्चमावि तथा क्याम्पसमा पढ्ने उमेर समूहका युवतीलेअसुरक्षित शारीरिक सम्बन्धबाट रहेको गर्भ हटाउन गर्भनिरोधक चक्की प्रयोग गर्ने गरेका छन्। गर्भनिरोधक आकस्मिक चक्की पानपसलदेखि होटेलसम्म पाइने भएकाले यसको प्रयोग सहज भएको औषधि पसले बताउँछन्।
धुलिखेल, पनौती, बनेपा र पाचँखालका बजारमा यस्तो औषधि बढी बिक्री हुने गरेको छ। गर्भ रोक्न इकोन, आइपिल, अनवान्टेड, ई ७२ म्याक्स, एमटीपी प्रिग्नो एमटिपिल्सलगायत चक्कीको प्रयोग बढेको छ। बजारमा गर्भनिरोधक चक्की ८० देखि दुई सय रुपैयाँसम्ममा बिक्री हुने गरेको छ।source medianp

बजारमा अहिले बिषादी हालेर पकाइएको आपँ छ्यापछ्याप्ती पाइन्छ । नेपालमा उत्पादन हुने आँप पाक्ने सिजन शुरु भएका कारण अहिले बजारमा पाइएका आँप सबै भारतबाट ल्याइएको व्यापारीहरुले बताएका छन् । काँचो आँप बिषादी हालेर पकाएको हुदाँ खान नहुने चिकित्सकहरुले सुझाव दिएका छन् ।

उनीहरुले त्यस्ता आँपले स्वास्थ्थ असर समेत गर्ने जनाएका छन् । आँप कारवाईड रसायन प्रयोग गरेर पकाइन्छ । जसले गर्दा मुटुरोग, कलेजो र मष्तिष्कमा समेत असर गर्ने चिकित्सक धर्म भट्टराइले बताए ।

आँप उत्पादन गर्ने किसान र व्यापारीले  यतिवेला खुलेआम कारवाईड हालेको आँप बिक्री गरिरहेका छन। कारवाईडमा रहेको कार्बनडाअक्साईड र हाईड्रोजनले अक्सिजनको मात्रालाई सासेर २४ घण्टामै आँपलाई पकाइदिन्छ। यसरी पाकेको आँप खाँदा पेटसम्बन्धी रोग समेत लाग्ने उनले बताए । आपँलाई टिपेर बोरामा पोको पारी पकाउने, आँपलाई बढी तापक्रममा राखेर पकाउने, विबिध धरीका विषाधीको प्रयोग गरी गभाएर बजार पठाउने गर्छन।

कृत्रिम तरिकाले पाकेको आपँमा किराको बृद्धि छिटो हुने र यस्तो आपँ खादाँ शरीरमा गडबढी आउने चिकित्सकहरुले बताए। तर यसरी बजारमा आउने आँपहरुमा ईथ्लिन अक्साईड नेचुरल पाल्न्ट ह्मोनको प्रयोग गरी पकाईएको छ भने यसले मानव शरीरमा खासै असर गर्दैन।

यसमा विषाधीको न्युन मात्रामा रहेको हुन्छ। तर स्वादमा भने  केहि कम हुन्छ। डाक्टर भट्टराइले भने ।
मधुमेहदेखि ठाउँकाको रोगीसम्म जसले पनि आँप सेवन गर्न मिल्छ। तर सेवन गर्न मिल्ने भन्र्दैमा बढी खान भने नहुने उनले बताए । विज्ञहरुको भनाई अनुसार आँपमा लगभग सबै प्रकारको टेरेस एलिमेन्ट हुन्छ। जसअन्र्तगत भिटामिन, मिनरलस, भिटामिन ए, भिटामिन बी, भिटामिन इ लगायतका पहेंला फलफूलमा पाईने सबै प्रकारका  तत्वहरु पाईन्छ।

विषादी प्रयोग गरी पकाईएको आँपले कस्तो असर गर्छ त ?

- मुटु, कलेजो र मष्तिष्कमा असर गर्छ।

- ज्वरो आउने, टाईफाइड, वाकवाकी लाग्ने हुन्छ।

-जिउँ दुख्ने, झाडापखाला लाग्ने हुन्छ ।

- आलस्यतापन अाउँछ ।

- कमजोरी हुन्छ ।

-मांशपेसी दुख्छ ।

स्वास्थ्यमा असर गर्ने यस्तो आँपको बिक्रीमा वितरणमा रोक लगाउन तर्फ भने  सम्बन्धित निकायबाट कुनै पहल भएको छैन ।source taja khabar

छाती छाम्यो भने पनि प्रस्ट थाहा हुन्छ । अझ कसैको छातीमा कान टाँसेर सुन्यो भने त ठूलै आवाजले भड्केको सुनिन्छ मुटु । हाम्रो बोलीचालीको भाषामा त्यसलाई मुटु चलेको भनिए पनि वास्तवमा त्यो मुटुले रगतलाई शरीरका विभिन्न भागमा पुर्याउनका लागि जोडले धकेलेको हो । हाम्रो शरीरका हरेक कोषले जीवित रहनका निम्ति आवश्यक पर्ने तत्वहरू खाना, हावा आदि रगतमार्फत नै प्राप्त गर्छन् ।


 मुटुबाट धकेलिएको रगत सुरुमा दुईवटा ठूला धमनीमा जान्छ । यिनीहरू मुटुको दायाँ र बायाँ दुईतर्फ जोडिएका हुन्छन् । दायाँतर्फको धमनीमार्फत जाने रगत फोक्सोमा जान्छ भने बायाँ धमनीमार्फत जाने रगत शिरा नामक अलि साना धमनीमा जान्छ । साना धमनीहरू धेरै नै हुन्छन् । विभिन्न आकारका हुन्छन ।

तिनीहरू कोषिका नामक एकदम साना रक्तनलीहरूसँग जोडिएका हुन्छन् भने कोषिकाहरू शरीरका हरेक कोष–कोष र मांसपेशीसम्म पुगेका हुन्छन् । शिराहरूको आकार अनुसार तिनीहरूमा करिब १० देखि सयसम्म कोषिकाहरू जोडिएका हुन्छन् । कोषिकाले खाना, अक्सिजन आदि कोष–कोषमा पुर्याउँछन् ।

 अनि, कोषमा भएको बिकार अथवा अनावश्यक कुराहरू फर्काएर ल्याउँछन्, जुन विभिन्न माध्यमले शरीरबाट बाहिर निस्कन्छ । हामीले नेपालीमा भन्दा धमनी, शिरा, कोषिका सबैलाई नशा भन्छौँ । तर, त्यो भनाइ सही होइन । नशालाई अंग्रेजीमा भेइन भनिन्छ । नशाले शरीरका विभिन्न भागबाट बिकारयुक्त रगतलाई प्रशोधनका लागि मुटुमा ल्याउने काम गर्छ । वास्तवमा धमनी, शिरा, कोषिका, नशा सबैलाई रगत हिँड्ने बाटाहरू भन्दा पनि अत्युक्ति हुँदैन । मुटुदेखि शरीरका हरेक कोषसम्म रगत पुग्ने प्रक्रियालाई नहर योजनासँग दाँज्ने हो भने मुटु भनेको खोलाबाट पानी तानेर नहरमा पानी पठाउने पम्प हो । धमनी भनेको मुहानको ठूलो नहर, शिरा भनेका शाखा नहरहरू, कोषिका भनेका खेतसँग जोडिएका कुलाहरू र हाम्रो शरीरका कोषहरू भनेका खेतका गराहरू हुन् ।


मुटुले जोडले धकेलेको रगत धमनीहरूमार्फत सही तरिकाले अगाडि जानको लागि धमनी पनि सही प्रकारको हुनुपर्छ । धमनीलाई साइकलमा हावा हाल्ने पम्पमा जोडिएको रबरको नलीसँग तुलना गर्न उचित हुन्छ । पम्पबाट राम्रोसँग हावा पास हुनका लागि उक्त नली लचकदार हुनुपर्छ, कडा हुनु हुँदैन । अनि, नलीमा कुनै फोहोर तथा कचडा जमेको वा पसेको हुनु हुँदैन । नली कडा भएको छ भने अथवा भित्र केही फोहोर छ भने पनि उक्त नलीबाट हावा त केही मात्रामा जान्छ ।


 तर पम्पलाई बढी बलले दबाउनुपर्छ । त्यसरी नै धमनी पनि पर्याप्त मात्रामा खुला र लचकदार हुनुपर्छ । यदि धमनी कडा भयो भने अथवा यसको प्वाँलमा कुनै कुराले साँगुरो बनायो भने मुटुले पनि बढी जोडले रगत धकेल्नुपर्छ । बढी जोडले धकेल्नु भनेको नै मुटुले सकिनसकी बढी काम गर्नु हो । जसकारण रक्तचाप अर्थात् ब्लड प्रेसर बढ्न जान्छ । धमनी कडा हुनुको मूल कारण नुन बढी खानु हो भने प्वाल साँगुरो हुनुको मूल कारण प्वाँलमा बोसो लाग्नु वा जम्मा हुनु हो । धमनीबाट राम्रोसँग रगत पास हुन नसक्नुको अर्को पनि असर हुन्छ ।

जसरी मुख्य तथा सहायक नहरहरू आवश्यक मात्रामा फराकिला र सफा नहुँदा खेतमा राम्रोसँग पानी पुग्न सक्दैन, त्यसरी नै धमनी तथा शिरा र कोषिकामार्फत पूर्ण स्तरको रक्तप्रवाह हुन नसक्दा शरीरका विभिन्न भागका कोषहरूले चाहिँदो मात्रामा आवश्यक तत्व प्राप्त गर्न सक्दैनन् । त्यसो हुनु पनि शारीरिक असर नै हो । ब्लड प्रेसर मापन ब्लड प्रेसर दुई प्रकारका अंकको आधारमा नापिन्छ । माथिल्लो अंकलाई सिस्टोलिक भनिन्छ भने तल्लो अंकलाई डायस्टोलिक भनिन्छ । सिस्टोलिक भनेको मुटु खुम्चिएको बेलाको धमनीको प्रेसर हो भने डायस्टोलिक भनेको मुटुको धड्कनको दुई गतिको बीचमा मुटुले आराम गर्दाको प्रेसर हो ।

 मानौं तपाईंको प्रेसर १२०–८० छ भने १२० सिस्टोलिक हो भने ८० डायस्टोलिक प्रेसर हो । उपल्लो अंक १०० देखि १४० र तल्लो अंक ६० देखि ९० बीचमा छ भने त्यो रक्तचाप सामान्य हो । त्योभन्दा बढी हुनु भनेको उच्च रक्तचाप अर्थात् हाई ब्लड प्रेसरको अवस्था हो भने कम हुनु भनेको अल्प रक्तचाप अर्थात् लो ब्लड प्रेसरको अवस्था हो । यदि रक्तचाप १२० देखि ७५ छ भने त्यो एकदम राम्रो आदर्श रक्तचाप हो । यसकारण रक्तचाप हाई अथवा लो हुन्छ भनेर ठ्याक्कै भन्न मिल्दैन । यो वंशाणुगत पनि हुन सक्छ ।

 र, व्यक्तिले आफ्नो जीवनयापनको तरिका नमिलाउँदा पनि रक्तचापको समस्या आउन सक्छ । त्यस्तै, मुटुको मांसपेशीको तन्दुरुस्तीपन, धकेल्न सक्ने क्षमता, धमनीको कडापन, धमनीको साथै कोषिकाहरूको फराकिलोपन पनि खानपान, धुम्रपान, सुरापानको मात्रा, शारीरिक परिश्रम आदिबाट प्रभावित हुन्छ । हाई ब्लड प्रेसर तथा लो ब्लड प्रेसर दुवै हाम्रा लागि खराब हुन्छन् । लक्षण टाउको दुख्नु, नाकबाट रगत आउनु, श्वास फेर्न असजिलो हुनु, मुटु अस्वाभाभिक जोडले धड्कनु, आँखाले धमिलो देख्नु, अनुहार रातो हुनु, झड्याङ्ङ रिस उठ्नु, नाथ्रो फुटिरहनु, निद्रा नलाग्नु, आदि हाई ब्लड प्रेसरका लक्षण हुन् ।

 त्यस्तै, बिस्तारै टाउको दुखिरहनु, रिँगटा लाग्नु, मुटुको धड्कन अचानक घट्नु या बढ्नु, वाकवाकी लाग्नु, दुविधा हुनु, जतिखेर पनि निद्रा लाग्नु, आँखा धमिलो हुनु, कान टिन्न गर्नु, छिटो चल्मलाउँदा अचानक बेहोस भएर लड्नु आदि रक्तअल्पताका लक्षण हुन् । निम्नकोटिको मधुमेह हुने ३० प्रतिशत र उच्चकोटिको मधुमेह हुने ८० प्रतिशत व्यक्तिलाई ढिलो वा चाँडो हाई ब्लड प्रेसर हुन्छ, हुन्छ । त्यसको अतिरिक्त मिर्गौलाको समस्या हुने, शरीरमा हर्मोनको ठीक अनुपातमा नहुने, धुम्रपान गर्ने, मद्यपान गर्ने, औसत तौलभन्दा पाँच किलो बढी तौल हुनेलाई, राति काम गर्नेहरूलाई, पर्याप्त नसुत्नेहरूलाई, फलफूल र हरियोपरियो कम खानेलाई, तेल र बोसोयुक्त खाना बढी खानेलाई, नुन तथा मसला बढी खाने चलन भएका अफ्रिकी र दक्षिण एसियाली मूलका व्यक्तिलाई, शारीरिक परिश्रम नगर्नेहरूलाई, गर्भवती तथा गर्भनिरोधक चक्की प्रयोग गर्ने महिलालाई, ४० वर्ष कटिसकेका व्यक्तिहरूलाई हाई ब्लड प्रेसर हुने धेरै सम्भावना हुन्छ ।

 ब्लड प्रेसर बढ्यो भने मिर्गौला बिग्रिने, श्वासप्रश्वास तथा मुटुसम्बन्धी धेरै प्रकारका रोग लाग्ने, अन्धो हुने, हृदयघात हुने, मस्तिष्कको नशा फुटी मस्तिष्कघात हुनेलगायत जीवनलाई नै जोखिम पार्ने नराम्रा परिणाम हुन सक्छन् । समाधानका उपाय खानपान सुधार्ने, धुम्रपान र मद्यपान त्याग्ने, समस्या पर्दा पनि पृथ्वी नै पल्टेलाजस्तो गरी नआत्तिने स्वाभाविक रूपले लिने, हरियो चिया प्रशस्त पिउने, बेलैमा र दिनको कम्तीमा ८ घन्टा सुत्ने, शारीरिक परिश्रम गर्ने गरे दुवै प्रकारको ब्लड प्रेसर नियन्त्रण हुन सक्छ ।

 दिनमा आधा घन्टा मात्र छिटोछिटो हिँड्यो भने पनि महिना दिनभित्र ब्लड प्रेसरमा धेरै नै सुधार आउँछ । सकेमा र समय मिलेमा दिनमा १० हजार पाइला हिँड्ने हो भने त एक महिनामै ब्लड प्रेसर ठीक अनुपातमा आउँछ । औषधि नै खानुपरे पनि ढुक्कसाथ खानुपर्छ । औषधि खायो भने खाइराख्ने बानी पर्छ भन्ने भनाई धेरै नै सुन्न पाइन्छ, त्यो सरासर गलत हो ।  source a2z khabar

दुध चियाले मोटोपन बढाउछ । चियाले मधुमेहका बिरामीमा चिनिको नियन्त्रण बिग्रन सक्छ । दुध चियाको अर्को नराम्रो पक्ष भनेको कोलेस्टेरोल हो । दुध चियामा चियापत्तिको बढि प्रयोग हुन्छ । जुन स्वास्थ्यका लागि हानिकारक हुन्छ । चियापत्तिको बढी प्रयोगले शरीरमा क्याफिनको मात्रा बढी भएर मुटुको चालसम्बन्धी समस्या उत्पन्न हुनसक्छ । त्यसैले दिनमा चार कप भन्दा बढी चिया पिउनु हसदैन ।

चिया पिउनै परे सबैभन्दा राम्रो छनोट ग्रिन टी हुनसक्छ । यसले शरीरको तौल घटाउन पनि मद्धत गर्छ । यसमा एन्टिअक्सिडन्ट पनि पाइने भएकाले शरीरलाई फाइदा गर्छ । सिधै चियापत्ति राख्नुभन्दा टी ब्याग राम्रो मानिन्छ । किनकी चिया उमाल्दा चियापत्तिमा पाइने पोषकतत्व नष्ट हुन्छ । दुधले पनि चियापत्तिमा पाइने एन्टिअक्सिडन्टलाई नष्ट गर्छ । कालो चियाले रक्तनलिमा क्लट हुनबाट रोक्छ । र रोग प्रतिरोधात्मक शक्ति पनि बढाउछ । चियापत्तिमा भिटामीन सि, डि, के र एमिनो एशिड हुन्छ जसले शरीरलाई फाइदा गर्छ । कालो चियामा चिनि अन्त्यन्तै न्युन राखेर वा राख्दै नराखी पिउदा फाइदा गर्छ । त्यसैले दुध चिया भन्दा कालो चियाले फाइदा गर्छsouece taja khabar

डा.अनिलकुमार झा, काठमाडौँ, १६ अगष्ट । निकै सुन्दर अनुहार भएका मानिसलाई पनि कतिपय अवस्थामा चाँयापोतोको समस्याले निकै नै सताउँछ । मानिस यसको उपचारका लागि घरेलु जडीबुटीदेखि बजारमा चलेका अनेकौँ क्रिमको पछाडि दौडन्छन् । अनुहारमा चाँयापोतो आउनुका विशेष गरि तीन चार कारण छन् । सबैभन्दा पहिलो सामान्य तर प्रमुख कारण घाम हो । अर्को कारणमा गर्भावस्थामा पनि चाँयापोतो आउँछ जससलाई कोलाज्मा भनिन्छ । अन्य कारणले आउने चाँया पोतोलाई मेलाज्मा भनिन्छ । हर्मोनको प्रयोग र शरीर भित्रका कमजोरीले पनि चाँया पोतो आउँने गरेको अध्ययनले पुष्टि गरिसकेको छ ।

महिलाहरुमा गर्भनिरोधक चक्की पिल्स, नरप्लान्ट वा कन्ट्रासेप्टहरूको प्रयोगले चाँया पोतो आउने हुन्छ । चाँयापोतोबाट बच्नको लागि सर्वप्रथम अनुहारलाई घामबाट बचाउन सक्नुपर्छ । महिलामा विशेष कारणहरु जस्तै महिनावारी रोकिने बेलामा बढी हर्मोनको अन्तर भएर आउँछ । त्यही समयमा चाँयाहरु आउन सक्छ । त्यसैगरी पाठेघरको समस्याले गर्दा पनि चाँया आउँछ ।

तसर्थ चाँयापोतोको कारण पत्तालगाएर त्यसको उपचार गरेमा अनुहारमा आउने चाँयापोतोलाई रोक्न सकिन्छ । चाँया हटाउने उपाय विभिन्न छन् । औषधिको प्रयोग, केमिकल पिलिङ्ग र लेजर प्रविधिबाट चाँयालाई हटाउन सकिन्छ । भित्री छालाको पत्रमा हुने चाँया र माथिल्लो पत्रमा हुने चाँया गरि यी दुई प्रकारको हुन्छ । छालाको माथिल्लो पत्रमा हुने चाँया सजिलै औषधिहरूबाट निको हुन्छ तर छालाको तल्लो पत्रमा हुने चाँया औषधिबाट निको हुन समय लाग्छ । यसको लागि लेजर प्रविधि अपनाउनु पर्छ । यसका साथै सन ब्लकको प्रयोग पनि चाँयाबाट बच्न सकिने उत्तम उपाय हो ।

क्रिम लगाउने तरिका ?

घामबाट अनुहारलाई जोगाउन क्रिम लगाउने भन्न सजिलो छ तर यो अप्ठेरो कुरा हो । घामबाट जोगाउने क्रिमहरूमा एसियन स्किनको लागि साधारणतया १५–३० नम्बरका क्रिमहरू पाइन्छन् । धेरै गोरो छाला छ भने, ४०–५० नम्बरको र धेरै कालो छालाको लागि १५ वा ८ नम्बरको क्रिम प्रयोग गर्नुपर्छ । साथै चिल्लो छाला भएकाहरूले चिल्लो नभएको सन ब्लकको प्रयोग गर्नुपर्छ र यदि सुख्खा छाला छ भने चिल्लो भएको सन ब्लक प्रयोग गर्नुपर्छ । तरद पनि यस प्रकारका क्रिम लगाउने तरिका मुख्य कुरा हो । बाहिर ननिस्किएपनि वा घाम नै नलागेको दिन भए पनि बिहान सन ब्लक क्रिम लगाउन जरुरी छ जुन ४–५ घण्टाको लागि काम गर्छ । यदि बाहिर जानु प¥यो वा घाममा हिँड्नु पर्यो यो भने त्यसमा अरु ५ एमएल लगाउनु पर्छ ।  विधि पु¥याएर सन ब्लक लगाउन सकिएन भने घामबाट बच्न सकिँदैन र फेरि चाँया आउछ । कुनै पनि संसारको औषधिले चाँया आउने रोक्न सक्दैन तर भएको चाँया हटाउन सक्छ यदि घामबाट अनुहारलाई जोगाउने क्रिम लगाउन सकेमा । (झा वरिष्ठ चर्मरोग विशेषज्ञ हुनुहुन्छ)source a2zkhabr

अनुहार मानिसको सवैभन्दा पहिले देखीने भाग हो, मानिसको सुन्दरताको एउटा प्रमुख कडीको रुपमा पनि अनुहारलाई लिन सकिन्छ् । तर अनुहार राम्रो पार्न व्युटी पार्लर नै धाउन पर्ने वा कुनै कस्मेटिक सर्जरी नै भने गरिहाल्नु पर्दैन् । हामीले मिलाएर खानेकुरा प्रयोग गरेमा पनि त्यसले अनुहारको सुन्दरतालाई बढाउने कार्य गर्दछ ।



राम्रो अनुहारको लागी नछुटाइ प्रयोग गर्नु पर्ने कुरा यस्ता छन्..

१.कागती पानीः कागती सहजै पाइन्छ । ।कागती पानीको नियमित सेवनले अनुहारका पोरलाई सानो पार्दछ भने चिल्लो पदार्थबाट अनुहारलाई मुक्त राख्दछ। यसका साथै यसले अनुहारमा चमक पनि बढाउँछ। पिउनको सातै कागतीलाई अनुहारमा दल्न समेत सकिन्छ ।

२ अण्डाः अण्डा खानलाई मात्र मिठो होइन यसका गुण पनि धेरै छन्।
अण्डलाई फुटाएर अनुहारमा लगाउनाले अनुहारको छाल नरम हुनुका साथै यसले मोस्चराइजिङ इफेक्ट पनि दिन्छ ।


३.महः मह सेवन र अनुहारमा लगाउनले ईनफेक्सन बाट बचाउनका साथै अनुहारको छाला नरम बनाउँछ।
महलाई कागतीसंग मिसाएर प्रयोग गर्दा यसको प्रभाव अझ बढ्दछ।

४.स्ट्रवेरिजः स्ट्रवेरीमा भिटामिन सि, एन्टीअक्सिडेन्ट र एक्सफोलियन्ट्स पाइन्छ ।स्ट्रवेरीलाई धुलो पारेर अनुसार लगाउनले अनुहारको छाला सफा हुन्छ। यसका साथै अनुहारको चमक पनि यसले बढाउँछ ।

५.केराः
महसंग मिसाएर केरालाई अनुहारमा लगाउँदा छाला स्वस्थ र चम्किलो बन्द्छ ।यसले मोस्चराइजको पनि काम गर्दछ ।source dainik online khabar

किड्नीमा हुने पत्थरीबाट छुटकारा पाउने घरेलु उपचार

यदि तपाईले किड्नीमा हुने पत्थरीको अनुभव भोगी सक्नु भएको छ भने तपाईलाई पक्कै पनि यसको पीडाको बारेमा जानकारी हुनुपर्छ ।

जबसम्म किड्नीका यी साना साना पत्थरीहरु तपाईको मुत्रनलीबाट बाहिर निस्किदैन तबसम्म शरीरले भोग्ने पीडा असह्य भैरहन्छ ।


धेरै मानिसहरुका लागि किड्नी पत्थरी एकै पटक मात्र हुने होइन । पत्थरी तथा बालुवा बारम्बर पनि जम्मा हुन सक्छ ।

भाग्यवस, किड्नी पत्थरीबाट छुट्कारा पाउन त्यतिको गाह्रो वा जटिल छैन र केही प्रयास तथा सूचनालाई अपानाएका खण्डमा यो पीडाबाट सदाका लागि छुटकारा पाउन सकिन्छ ।

प्रायजसो पत्थरी क्याल्सियम ओक्सालेट र फासफोरसको मिलनबाट हुने गर्छ । तीनीहरुको आकार चामलको जस्तै हुन्छ ।

किड्नीमा हुने पत्थरीबाट छुटकारा पाउन निम्न तरिका अपनाउनुहोस्

१. प्रशस्त मात्रामा तरल पदार्थ पिउने गर्नुहोस्

प्रशस्त मत्रामा पानी पीउने गर्नाले पत्थरी बन्न सक्ने चिजबिजहरु मुत्रमर्ग भएर बगेर जान्छ र किड्नीमा पत्थरी जम्मा हुन पाउँदैन । तसर्थ दैनिक जसो ८ ग्लास पानी पिउने गर्नुहोस् ।

स्वस्थ मानिसहरुका निम्ती ८ ग्लास पानी प्रशस्त हुन सक्छ तर किड्नीमा पत्थरी हुनेहरुका लागि अझै बढी पानी पिउनुपर्ने हुन्छ ।


किड्नीमा पत्थरी हुन नपाअ‍ोस भन्ने चाहनुहुन्छ भने सुन्तला कागती लगायतका अमिलो खानाले अति लाभदायक हुन्छ किनकि यस्ता अमिलो खाने गर्नाले मुत्रनलीमा जम्मा हुन सक्ने बालुवा तथा अन्य बस्तुहरु सजिलै बगेर बाहिर जान्छ । शरीरमा पानीको मात्रा कम भएको थाहा पाउन आफ्नो पिसावको रङलाई हेर्न सकिन्छ । यदि पिसाव गाढा पहेंलो भएको छ भने तपाईको शरीरले चाहे जति पानी पाएको छैन भन्ने बुझ्न जरुरी छ ।

२. नुनको मात्रा कम गर्नुहोस्

खानामा नुनको मात्रा धेरै प्रयोग गर्नेहरुको किड्नीमा पत्थरी हुने संभावना अत्यधिक रहन्छ । नुनको सेवनले किडनीमा पत्थरी हुनबाट जोगाउने मात्र होइन यसले ब्लड प्रेसर पनि नियन्त्रण गर्छ ।

३. प्रशस्त मात्रामा क्यालसियमको प्रयोग गर्ने गर्नुहोस्

यध्यपि आम धारणा के रहेको छ भने, क्यालसियमले किडनीमा पत्थरी निम्त्याउने काम गर्छ तर सत्यता अर्कै छ ।

अत्यन्तै थोरै अथवा अत्यधिक क्यालसियमले किडनीमा बालुव र पत्थरी उमार्ने काम गर्छ ।
तसर्थ हामीले दैनिक रुपमा एक ग्राम भन्दा बढी वा घटी क्यालसियमको प्रयोग गर्नु हुँदैन । यसका लागि दुध पिउने गर्नु राम्रो हो ।


४. जनावरहरुबाट प्राप्त हुने प्रोटिन धेरै प्रयोग नगरौं

मासु र अण्डाबाट प्राप्त हुने प्राटिन स्वास्थ्यका लागि लाभदायक हुन्छ तर झोल पदार्थको मात्रा कम र जनावरबाट प्राप्त प्रोटीनको मात्रा धेरै भएको खण्डमा किडनीमा पत्थरी हुन सक्छ । तसर्थ मासु तथा अण्डाको प्रयोग धेरै गर्नु स्वस्थ्यका हिसावले राम्रो मानिदैन ।


५. बियर र वाइन पिउने गर्नुहोस्

बियर तथा वाइन पिउने सल्लाह सुन्दा तपाईलाई आश्चर्य लाग्न सक्छ तर दुईवटा अध्ययनहरुले के देखाएको छ भने बियर तथा वाइन पिउनाले किड्नीमा पत्थरी तथा बालुवा जम्मा हुन पाउँदैन ।

अध्ययनले के पनि देखायो भने, वाइन सेवन गर्नाले किडनीमा पत्थरी जम्मा हुन नपाउने संभावना ५९ प्रतिशत, तथा वियर सेवन गर्नाले ४० प्रतिशत र कफि सेवन गर्नाले ९ प्रतिशत कम भएर जान्छ ।
तर यसो भन्दैमा अल्कोहलको मात्रा धेरै सेवन गर्न भनी सल्लाह दिन खोजिएको भने होइन । धेरै अल्कोहल सेवन गर्ने गरेमा अन्य रोगले च्याप्ने संभावना बढेर जान्छ ।

माथी उल्लेखीत सबै सल्लाहहरु किडनीमा जम्मा भएका बालुवा तथा पत्थरीबाट बच्न र भएकालाई सजिलै तरिकाले बाहिर फाल्न उपयोगि छ । source online khabar

“तपाईँको फोनले पनि आँखाको जाँच गर्न सक्नेछ।”

सहरी क्षेत्रमा हुनेहरूलाई त आँखा जाँचको लागि धेरै टाढा जानुपर्दैन तर अलि दुर्गम क्षेत्र जहाँ प्रविधि पुगेपनि राम्रो स्वास्थ्य चौकी हुँदैन त्यहाँको मानिसहरूलाई आँखा जाँच्नको लागि अस्पताल जानको लागि धेरै नै समस्या हुने गर्दछ। यस्तै समस्यालाई मध्यनजर राख्दै एउटा यस्तो प्राविधिक यन्त्र बनेको छ जस्ले हजारौँ मानिसको ज्यान बचाउँन सक्नेछ। उक्त यन्त्रलाई ‘डि-आई’ (D-EYE) भनिन्छ। यदि सहि तरिकाले जाँच र हेरविचार गरियो भने विश्वभरकै करिब ८० प्रतिशत भन्दा बढी मानिसहरूको आँखा रोगलाई निर्मुल पार्न सकिने ‘विश्व स्वास्थ्य संगठन’ (WHO)को दाबी रहेको छ।

डि-आई यस्तो लेन्स हो जुन तपाईँ-हामीले नै चलाउने स्मार्टफोनको पछाडि पट्टि राखिन्छ, अहिले सम्म आईफोन ५, ५ एस् र ६, अनि स्यामसुङ्ग एस् ४ र एस् ५ मा मात्रै डि-आईले सपोर्ट गर्दछ। यो यन्त्र राख्नको लागि एकदमै सजिलो, यो चलाउन कुनै उर्जा नचाहिने र जुनसुकै ठाउँमा पनि यसलाई चलाउन सकिन्छ। तर यो चल्नको लागि स्मार्टफोनमा एउटा एप (app) भने पक्कै नै चाहिन्छ र यो एपको मद्दतले घरमै बसेर आँखाको भिडियो लिन सकिन्छ र इन्टरनेटको मार्फत सम्बन्धित चिकित्सकलाई उक्त भिडियो पठाउन सकिन्छ।


यसमा आँखा जाँच्ने लेन्स र रेटिनल इमेजिङ्ग सिस्टम (Retinal Imaging System) जडान गरिएको छ र मोबाइलमा अड्काउनको लागि एउटा क्लिप राखिएको छ जसले गर्दा हामीले यसलाई सजिलै सँग आफ्नै पकेटमा राखेर हिँड्न पनि सकिन्छ। यसले हाम्रो आँखाको हरेक किसिमका खराबीहरूका साथै अन्धोपनाको खतरा समेत पत्ता लगाउन सक्दछ भन्ने डि-आईका आविष्कारकहरूको दाबी रहेको छ। source nepaliheadlines.

हरेक मानिस आफूलाई स्वस्थ राख्न चाहन्छ र यसका लागि आफूले सक्ने हर प्रयास गर्ने गर्छ । आफूलाई स्वस्थ राख्नका लागी सकेसम्म आफ्नो शरिरको ख्याल गरेर खाने, हिड्ने, रमाइलो गर्ने गर्छन् । मानिस सधै स्वस्थ रहनु निकै नै गाह्रो हुन्छ तर, अस्वस्थतालाई कम गर्न भने सकिन्छ । आफ्नो दैनिक जीवनमा गर्ने केही कार्यहरूले मानिसको स्वास्थ्यलाई असर गर्छ । सामान्य कुराहरू विचार गर्न नसक्दा पनि स्वास्थ्य समस्याले दुःख दिने गर्छ ।



स-साना कुराहरूले पनि हामीलाई स्वस्थ्य राख्न मद्धत गर्छ र केही यस्ता चीजहरू पनि हुन्छन् जसबाट हामीले स्वस्थ रहन सक्ने आश नै गरेका हुँदैनौ तीनै चीजहरू पनि हाम्रालागि स्वस्थ रहने उपाय बन्न सक्छ । यस्तै, केही चीजहरू छन् जसले हामीलाई स्वस्थ रहन मद्धत गर्छ । थाहा पाऔ केही त्यस्ता चीजहरू जसले हामीलाई स्वस्थ राख्न मद्धत गर्छ तर हामीलाई ती चीजमाथी त्यस्तो आशा थिएन ।



– भिडियो गेमः प्राय हामीले केटाकेटीले भिडियो गेम खेलेको देख्ने गरेका छौ भने तपाईहामी मध्ये कतिपयले त भिडियो गेम खेल्ने पनि गरेका छौ । भिडियो गेमले पनि मानिसलाई स्वस्थ बनाउन मद्धत गर्छ भन्ने सुन्दा हामीमध्ये धेरैलाई अचम्म लाग्न सक्छ । तर, भिडियो गेमले हाम्रो मन मष्तिष्कलाई तीक्ष बनाउन मद्धत गर्छ भने यसले हामीलाई खुसी राख्दै तनावबाट मुक्त गराउन मद्धत गर्छ । केही समय अघि गरिएको एक अध्ययनमा ६० देखि ८५ वर्षका मानिसलाई भिडियो गेम खेलाउँदा उनीहरू पहिले भन्दा स्वस्थ र उनीहरूको दिमाग पनि तेज भएको पाइएको थियो । भिडियो गेमले शर्ट टर्म मेमोरी र लङ टर्म फोकसलाई निकै फाइदा पुर्याउने बताइएको छ ।



– सामूहिक गायनः समूहमा गीत गाउनुले पनि मानिसलाई स्वस्थ रहन मद्दत गर्छ । स्विडेनका अध्ययनकर्ताहरूले गरेको अध्ययनमा सामुहिक रूपमा गीत गाउनाले मानिसलाई समूहमा आफ्नोपन महसुस हुने गर्छ । समुहमा गीत गाउँदा मानिसको हृदयको गति पनि निकै राम्रो हुने उनीहरूको भनाई छ । समूहमा गीत गाउँदा र एक्लै गीत गाउँदाको हृदयको गतिमा फरक प्रकृति देखीने र समूहमा गीत गाउँदाको हृदय गति एक्लै गीत गाउँछदाको भन्दा निकै राम्रो हुने उनीहरूको भनाई छ ।



– पारासिटामोलः हामीले प्राय टाउको दुखेको बेला, ज्वरो आएको बेलामा प्रयोग गर्ने पारासिटामोलले पनि हामीलाई स्वस्थ रहन मद्धत गर्छ भन्दा धेरैलाई विश्वास नलाग्न सक्छ । पारासिटामोलको प्रयोगले मानिसलाई शान्त राख्न मद्धत गर्छ । यसले मानिसलाई तनावबाट मुक्ति दिन्छ । यसरी मानिस शान्त र तनावबाट मुक्त हुन सहयोग पाएपछी मानिसलाई स्वस्थ रहन केही हदसम्म सहयोग पुग्छ ।



– सनस्क्रिनः विभिन्न खाले सनस्क्रिनहरूको प्रयोगले मानिसलाई स्वस्थ रहन मद्धत गर्छ । सनस्क्रिनको प्रयोगले मानिसको छालालाई नरम, मुलायम राख्न मद्धत गर्छ साथै अनुहारमा आउने रिंकलहरूबाट टाढा राख्छ । यसले मानिसलाई जवान देखाउन मद्धत गर्छ । साथै यसले मानिसलाई अल्ट्राभ्वाइलेट रे बाट जोगाउने गर्छ, जसले गर्दा अल्ट्राभ्वाइलेट रेबाट हुन सक्ने समस्याबाट जोगाउँछ ।



– पढ्ने कार्यः अचम्म लाग्न सक्छ, पढाईले मानिसलाई कसरी स्वस्थ बनाउँछ । हो पढ्दा मानिस स्वस्थ रहन सक्छ । पढ्ने क्रममा मानिसमा उत्पन्न हुने उत्साह, पछीका कुरा जान्ने इच्छाले पनि मानिसको इमोशनमा फरक ल्याउँछ । यसले मानिसमा हुने तनावलाई समेत कम गर्न सक्छ । पढ्ने कार्यले मानिसलाई अर्कै दुनियाँमा पुर्याउन सक्छ र नयाँ नयाँ सपनाहरू देखाउन सक्छ । जसले मानिसमा थप उर्जा प्रदान गर्न सक्छ ।



– पुराना यादः पुराना यादहरूले पनि मानिसलाई स्वस्थ राख्न मद्धत गर्छ । पुराना कुराहरूलाई सम्झँदा मानिसलाई एक्लो पनको महशुस हुँदैन । पुराना यादहरुमा पनि रमाईला क्षणहरूको याद गर्दा खुसी छाउँछ र तनावबाट मुक्त हुन सहज हुन्छ । यसले पनि मानिसलाई स्वस्थ राख्न सक्छ । source nepaliheadlines

मिडिया एनपी, न्यूयोर्क । मानसिक रोगहरूबाट पिडित मानिसहरूले यदि पर्याप्त मात्रामा समुद्री माछाको सेवन गर्ने गरेमा तथा बाहिरी गतिविधिका लागी दैनिक रूपमा समय निकाल्ने गरेमा उनीहरूको स्थितिमा सुधार हुन सक्ने देखिएको छ । किनभने यसले मस्तिष्कमा रहेको रसायन सेरोटोनिन को स्तरलाइ प्रभावित गर्दछ ।

हालै गरिएको एक नयाँ अध्ययनबाट यो कुराको खुलासा भएको हो । अर्थात यस अध्ययनबाट यो निष्‍कर्ष निस्किएको छ कि माछाको सेवनबाट मस्तिष्‍क स्‍वस्‍थ राख्न निकै मद्दत पुग्दछ । यसका साथै घाममा बसेर शरिर सेक्नाले पनि मस्तिष्कलाइ निकै राम्रो हुने देखिएको छ ।



मस्तिष्क सम्बन्धी कयौं रोगहरू जस्तै अस्टिन स्पेक्ट्रम डिसअर्डर (एएसडी), इटेन्शन हाइपर एक्टिभिटी डिसअर्डर (एडीएचडी), बाइपोलर डिसअर्डर, सिजोफ्रेनिया तथा डिप्रेशनमा सेरोटोनिनको स्तर मस्तिष्कमा कम हुन थाल्दछ । चिल्ड्रेन्स हस्पिटल अकल्याण्ड रिसर्च इन्स्टीट्यूट (सीएचओआरआई) की रोन्डा पेट्रिकका अनुसार अहिले गरिएको नयाँ अध्ययनबाट के कुरा पाइयो भने सेरोटोनिन कसरी आवेग नियन्त्रण, सेन्सरी गेटिङ तथा व्यक्तिको व्यवहारलाइ नियन्त्रित गर्नमा महत्वपूर्ण भूमिका निभाउँदछ भन्ने देखिएको छ ।

पेट्रिकका अनुसार यस अध्ययनबाट उनीहरूले सेरोटोनिनको उत्पादन तथा कार्यलाइ भिटामिन डी तथा ओमेगा-3 फेट्टी एसिडबाट सम्बद्ध गरिएको छ । यी सूक्ष्म पोषक तत्व मस्तिष्कलाइ कार्य गर्नमा त्यसको मद्दत गर्दछन र यस प्रकारले हाम्रो स्वभाव नियन्त्रित हुने गर्दछ । भिटामिन डी को निर्माण शरीर को त्वचामा सूर्यको प्रकाशमा स्वाभाविक रूपमा हुने गर्दछ । यसैले केही समय घाम ताप्नाले पनि मस्तिष्कका लागी निकै फाइदा पुर्याउँदछ ।          source dainik online khabar

अनुहार मानिसको सवैभन्दा पहिले देखीने भाग हो, मानिसको सुन्दरताको एउटा प्रमुख कडीको रुपमा पनि अनुहारलाई लिन सकिन्छ् । तर अनुहार राम्रो पार्न व्युटी पार्लर नै धाउन पर्ने वा कुनै कस्मेटिक सर्जरी नै भने गरिहाल्नु पर्दैन् । हामीले मिलाएर खानेकुरा प्रयोग गरेमा पनि त्यसले अनुहारको सुन्दरतालाई बढाउने कार्य गर्दछ ।

राम्रो अनुहारको लागी नछुटाइ प्रयोग गर्नु पर्ने कुरा यस्ता छन्..

१.कागती पानीः कागती सहजै पाइन्छ । ।कागती पानीको नियमित सेवनले अनुहारका पोरलाई सानो पार्दछ भने चिल्लो पदार्थबाट अनुहारलाई मुक्त राख्दछ। यसका साथै यसले अनुहारमा चमक पनि बढाउँछ। पिउनको सातै कागतीलाई अनुहारमा दल्न समेत सकिन्छ ।

२ अण्डाः अण्डा खानलाई मात्र मिठो होइन यसका गुण पनि धेरै छन्।
अण्डलाई फुटाएर अनुहारमा लगाउनाले अनुहारको छाल नरम हुनुका साथै यसले मोस्चराइजिङ इफेक्ट पनि दिन्छ ।

३.महः मह सेवन र अनुहारमा लगाउनले ईनफेक्सन बाट बचाउनका साथै अनुहारको छाला नरम बनाउँछ।
महलाई कागतीसंग मिसाएर प्रयोग गर्दा यसको प्रभाव अझ बढ्दछ।

४.स्ट्रवेरिजः स्ट्रवेरीमा भिटामिन सि, एन्टीअक्सिडेन्ट र एक्सफोलियन्ट्स पाइन्छ ।स्ट्रवेरीलाई धुलो पारेर अनुसार लगाउनले अनुहारको छाला सफा हुन्छ। यसका साथै अनुहारको चमक पनि यसले बढाउँछ ।

५.केराः
महसंग मिसाएर केरालाई अनुहारमा लगाउँदा छाला स्वस्थ र चम्किलो बन्द्छ ।यसले मोस्चराइजको पनि काम गर्दछ । source rochak-kura

स्मरण शक्ति बढाउने ५ सहज तरिका

बढ्दै गरेको उमेरको साथ साथ धेरै सुत्ने, कुनै कुराको नशा, चुरोटको प्रयोग, ढिलो सुत्ने तथा ढिलो उठ्ने, दिउँसो सुत्ने तथा आवश्यक पोषक तत्वको कमिका कारण हाम्रो स्मरण क्षमता कमी आउन सक्छ । हामीले हाम्रो स्मरण क्षमतालाई बढाईराख्नु आवश्यक पनि हुन्छ । यस्तो अवस्थामा हामीलाई परिआएका समस्या समस्याको समाधान तथा बारम्बार बिर्सने समस्याबाट छुटकारा पाउनको लागी केही सहज उपायहरू अपनाउँदा पनि ती समस्याबाट छुटकारा पाउन सकिन्छ । थाहा पाऔ सहज उपायहरू जसले हाम्रो स्मरण शक्तिलाई राम्रो बनाउन सहयोग गर्छ ।

१. बदामलाई पाँच दिन भिजाएर राख्ने । भिजाएको बदामलाई बिहानै बाहिरको बोक्रा फ्याकेर पिस्ने । एक गिलास तातो दुधमा पिसेको बादम हाल्ने र २ चम्चा मह मिसाएर खाने । यसरी सेवन गरेपची करिब दुईघण्टासम्म अन्य केही पनि नखाने ।

२. ओखर पनि स्मरण क्षमता बृद्धि गर्नका लागी सहायक सिद्ध हुन सक्छ । को नियमित प्रयोले स्मरण क्षमताको बृद्दि हुन्छ । २० ग्राम ओखर र १० ग्राम किसमिसको प्रयोगले स्मरण शक्तिमा बृद्धि हुन्छ ।

३. ब्राह्मी पनि स्मरण शक्ति बढाउन प्रयोग गर्न सकिने राम्रो जडिबुटी हो । यसको एक चम्चा रस हरेक दिन पिउनाले वा यसको ७ वटा पत्ता चबाएर खानाले पनि स्मरण शक्ति बृद्धि गर्नमा मद्धत गर्छ ।

४. १० ग्राम दालचिनीको धुलोलाई महमा मिसाएर खानाले पनि फाइदा गर्छ ।

५.आधा खाना खाएपछी अमलाको रसमा ३० ग्राम पानी मिसाएर पिउने र बाँकी खाना खाने । यसरी २१ दिनसम्म खाने गरे स्मरण शक्तिमा बृद्धि हुन्छ । source a2z khabar

म २५ वर्षीय विवाहित पुरुष हुँ । मैले मेरी श्रीमतीसँग यौनसम्पर्क गर्दा उनले मेरो वीर्य मुखमा हालिन् । वीर्य खाँदा स्वास्थ्यमा कुनै असर पर्छ कि पर्दैन ? पर्छ भने त्यसको उपचारका लागि के गर्नुपर्ला ?  वीर्य के हो ?  हामी सबैलाई थाहा भएको कुरा हो कि पुरुषको यौन उत्तेजनालई निरन्तरता दिन सकिए यौन प्रतिक्रिया चक्रको तेस्रो चरणमा चरमसुख पाउने हाराहारीमा लिङ्गबाट एक प्रकारको सेतो तरल पदार्थ निस्कन्छ, जसलाई वीर्य भनिन्छ ।

एकपल्ट वीर्यस्खलन हुँदा यस्तै ३ देखि ५ मिली (५ मिली भन्नाले १ चियाचम्चा जति) वीर्य निस्कन्छ । यही वीर्यमा शुक्रकीटहरू हुन्छन् । तपाईंलाई थाहा होला, मूत्रथैलीको मुनितिर दुईतिर वीर्य थैली हुन्छन्, यसैको रस नै वीर्यको मुख्य अंश (४६ देखि ८० प्रतिशत) हो भने पौरुष ग्रन्थिको रस पनि पर्याप्त मात्रामा (१३ देखि ३३ प्रतिशत) हुन्छ । अण्डकोष तथा इपिडिडाईमिस (अण्डकोषसँगै जोडिएको एक भाग) बाट आउने रसको मात्रा यस्तै ५ प्रतिशत हुन्छ भने मूत्रनलीका अन्य ग्रन्थिबाट आउने रसको मात्रा त्यसभन्दा पनि कम । वीर्यको रंग सामान्यत: सेतो हुने भए पनि हल्का पहँेलो वा खरानी पनि हुन सक्छ । यो क्रिमजस्तै र केही च्यापच्यापे प्रकृतिको हुन्छ ।
वीर्य स्खलन हुनासाथ यो केही बाक्लो हुन्छ र केही बेरपछि नै पातलिने क्रम सुरु हुन्छ । रसायनिक दृष्टिले हेर्ने हो भने यसमा पानी, श्लेष्म तथा शुक्रकीटको पोषण तथा वातावरण सुव्यस्थित गर्न आवश्यक थुप्रै रसायन हुन्छन् । अण्डकोषमा बनेको शुक्रकीट पनि यही वीर्य थैलीमा आएर बसेको हुन्छ र वीर्यस्खलन हुँदा रस सँगसँगै बाहिर निस्कन्छ । वीर्य किन खाइन्छ ? सामान्यत: प्रकृतिले यसलाई योनिमा राखियोस् भन्ने ध्येय राखेको हुनुपर्छ, त्यसैले यो त्यति मीठो वा स्वादिलो हुँदैन । धेरैजसो व्यक्तिलाई यसको स्वाद वा गन्ध मन नपर्न सक्छ । केही व्यक्तिलाई यस किसिमको यौन क्रियाकलापले यौन आनन्द प्राप्त गर्ने सहयोगी भूमिका खेलेको हुनाले नै यसप्रति लालायित हुन्छन् ।

कतिपय कुराको सन्दर्भमा सुरुमा यसको स्वाद मन नपरे पनि पछि अभ्यस्त हुने र आफू र आफ्नो यौनसाथीलाई रोचक तथा आनन्ददायक लाग्ने भएकाले यसलाई निरन्तरता दिन्छन् भन्ने तथ्य पनि छ । वीर्यमा प्रजनन क्षमताका लागि आवश्यक शुक्रकीट हुने भएकाले नै यसले निकै महत्त्व पाएको छ । पोषणका दृष्टिले हेरिने शक्तिको कुरा गर्दा एक सामान्य व्यक्तिलाई १८ सयदेखि २२ सय क्यालोरी शक्ति चाहिन्छ र एकपल्टको वीर्य स्खलनमा यस्तै १५ क्यालोरीजति हुन्छ ।

यति वीर्य खाएको भरमा शारीरिक क्षमता वा यौन जीवनमा नाटकीय परिवर्तन हुन्छ भन्ने कुरामा वैज्ञानिक आधार भएको मलाई थाहा छैन । यस्ता परिवर्तनमा कसैले अनुभव गरेको छ भने त्यो मानसिक प्रभाव होला, न कि शारीरिक । अहिले केही अनुसन्धानले अन्य फाइदा भएको कुरा पनि उल्लेख गरेका छन् । यसमा हुने सूक्ष्म पोषक तत्त्वहरू लाभदायक नै हुन्छन्, तर यसको मात्रा भने अति नै थोरै हुन्छ ।
यसमा हुने प्रतिजैविकीका कारण केही प्रकारका बाँझोपन कम गर्ने तथा गर्भ तुहिनबाट बच्ने कुरा देखिएको छ । यसमा भएका भएका इन्डोफिर्न, प्रोल्याक्टिन, अक्सिटोसिन, सेरेटोनिनजस्ता रसायनले मनलाई खुसी बनाउन तथा निराशा कम गर्न सहयोग गर्छ भनिन्छ । योनिमा पर्दा यसको सकारात्मक असर हुने भए पनि खाँदा पनि त्यति नै प्रभाव पर्छ भन्ने कुरामा एकमत भने छैन । वीर्य खाँदा स्वास्थ्यमा असर पर्छ कि ? छोटकरीमा भन्नुपर्दा एक स्वस्थ व्यक्तिको वीर्य खाँदा अर्थात् वीर्यपान गर्दा कुनै हानि हुँदैन । वीर्यमा कुनै विषालु पदार्थ हुँदैन । रसायनिक दृष्टिकोणले हेर्ने हो भने यसमा केही सामान्य कार्बोहाईड्रेड, केही प्रोटिनका साथमा मुख्यतया: पानी हुन्छ ।

यसमा भएको पदार्थ एक विशेष मानवकोष ‘शुक्रकीट’ बाँच्न सकोस् भनेर संरचना गरिएको हुन्छ, त्यसैले मानवकोषलाई हानि गर्ने किसिमको कुनै पदार्थ यसमा हुँदैन । अर्को कुरा, हाम्रो सुरुवात नै वीर्यमा रहेको कुनै एक शुक्रकीटवाट भएको हो र आधाजसो वंशाणु हामीले त्यसबाट नै पाएका छौं । वीर्य निलिएपछि आमाशय (पेट) मा पुग्छ र त्यहाँको पाचनरस -एसिड) मा शुक्रकीटहरू मर्छन् अनि अन्य पदार्थका साथै त्यसलाई पनि मानिसले पचाउँछ ।

कसैकसैलाई धारणागत भिन्नताका कारणले वीर्य मुखमा परेको मन नपर्न सक्छ । कसैलाई यसको स्वाद वा गन्ध मन पर्दैन । त्यसो हुँदा वाकवाक लाग्ने हुन सक्छ, तर यहाँ तपाईंकी श्रीमतीलाई त्यस्तो कुनै कुरा भएको तपाईंको प्रश्नमा देखिँदैन । तपाइले खाने कतिपय कुराले वीर्यको स्वादमा केही परिवर्तन ल्याउन सक्छ ।
उदाहरणका लागि कफी वा रक्सीको सेवनले यसमा तीतोपन बढी हुन्छ भने भुइँकटहर, आँप, किबी, काँक्रो, पार्सलेजस्ता वस्तुले गन्ध राम्रो बनाउँछ । एचआईभी तथा यौन रोग सर्ने सन्दर्भमा वीर्यपानको कुरा पनि निकै उठ्ने गरेको पाइन्छ । तपाईंमा कुनै यस्तै यौनरोग छ भने लिङ्ग योनि मैथुनमा जस्तै शरीरबाट निस्कने तरल पदार्थको सम्पर्कमा आउँदा रोगसमेत सर्ने सम्भावना हुन्छ । माथि उल्लेख गरिएका कुराको अध्ययन गरिसकेपछि यो विषयमा अनावश्यक रूपमा चिन्ता लिनु मनासिब छैन ।

मानिस आकर्षक बन्न चाहन्छ । छालाले नै मानिसलाई सबैभन्दा आकर्षक सुन्दर देखाउँछ ।


त्यसपछि सुन्दर देखिनका लागि समग्र स्वास्थ्य शरीर आवश्यक छ । हाम्रो शरीरमा हरेक दिन खपत हुने खाद्य पदार्थले आफ्नो छालाको स्वास्थ्य साथै आफ्नो समग्र स्वास्थ्यमा महत्वपूर्ण भूमिका खेल्छन् । आजकल स्वादिलो र स्वस्थ दुबै गुण भएको खाद्य पदार्थ  चयन गर्न गाह्रो हुन्छ । हामी यहाँ तपाईलाई जानकारी दिँदैछौं  छाला स्वस्थ र जवान राख्न मदत गर्नेछ १० खाद्य पदार्थहरुको बारेमा ।



१. सन बीउ

सन बीउले तपाईको छालामा दाग आउनबाट रोक्छ र आउको दागलाई नियन्त्रण गर्न महत्वपूर्ण भूमिका खेल्छ । एक अध्ययनका अनुसार सन बीउको तेल हरेक दिन सेवन गर्दा छालालाई ताजा र नरम बनाउँछ ।

२. बैजनी र निलो फल


बैजनी र निलो फल राम्रो र आकर्षक छाला बनाउनका लागि राम्रो खाद्य पदार्थ मानिन्छ । ब्लू बैरी, ब्ल्याक बेरी र प्लमहरु नियमित सेवन गर्ने मानिसको अनुहार र छाला चम्किलो र आकर्षक हुने गर्छ ।

३. सूर्यमुखी बीउ


सूर्यमुखी बीउमा भिटामिन ई पाइन्छ । यसले दैनिक सूर्य को किरण पाइराखेको हुनाले सुर्यमुखीको बिउले र बिउको तेलले तपाई छालालाई आकर्षक र तेज बनाउँछ ।

४. चकलेट



चकलेट धेरै मानिसले मन पराउछन् । चकलेट तपाईंको छाला को लागि पनि एकदमे राम्रो मानिन्छ । नियमित चकलेट खाने मानिसले राम्रो सँग दाँतको सरसफाइमा ध्यान नदिए दाँतको रोग लाग्न सक्छ यद्यपी चकलेटले नियमित सेवनले तपाई अनुहार चम्किलो बनाउछ ।

५. आलु


आलु पनि छाला आकर्षक बनाउनका लागि राम्रो खाद्य पर्दाथ हो । आलको नियमित सेवनले छालालाई कोमल र चिल्लो राख्छ ।

६. टमाटर


टमाटर हामी तरकारी प्राय प्रयोग गरिरहेका हुन्छौँ । यद्यपी नियमित टमाटरको स्लाद खाँदा अनुहार शरीरको छालामा चाउरीपना आउनबाट जोगाउँछ र छालालाई आकर्ष बनाउँछ ।
७.  दही





नियमित दही प्रयोग गर्नेको छाला पनि आकषृक देखिने गर्छ । नियमित दहीको सेवनले दही छालाई पाेषिलो बनाउँछ ।

८. रातो घण्टी खुर्सानी



रातो घण्टी खुसानीको तरकारी अथवा स्लाद जे खाए पनि छालाका लागि एकदमै फाइदाजनक छ । एउटा रातो घण्टी खुर्सानी नियममित खाँदा दैनिक भिटामिन सीको आवश्यकता परिपुर्ति हुन्छ र तपाई छालालाई सुन्दर बनाउन मदत गर्छ ।

९. सामन


सामन मानिसको छाला लगायत मस्तिष्क, मुटु, हड्डी र पेटलाइृ स्वस्थ्य राख्न मदत गर्छ । यसको नियमित सेवनले पेटको क्यान्सर, हड्डी रोग र हृदय रोगबाट जोगिन सकिन्छ । यसले छालालाइृ जवान राख्न पनि ठुलो मद्दत गर्छ साथै महिलाकोे कपाल झर्ने समस्याबाट जोजिन सक्छ ।


१०. पालुङ्गो
पालुङ्गोलाइ नियमित भोजनमा समाबेश गर्न सके छालालाई राम्रो बनाइराख्न एकदमै ठुलो सहयोग गर्छ । यसले छालामा लाग्ने बिभिन्न किसिमका रागहरुलाई समेत नियन्त्रण गर्ने गर्छ । यसले छालाई सफा समेत राख्ने गर्छ । source daonline khabar

डा. हेमराज कोइराला. पेट दुख्ने, पोल्ने, अम्लपित्त बढ्ने आदि लक्षणयुक्त समस्याको चिकित्सकीय नाम ग्यास्ट्राइटिस हो। छाती र पेटको बीचको खाल्टो वरिपरि दुख्नु, पेट पोल्नु, भोक हराउनु, अम्लपित बढ्नु, मुख बिग्रिनु, पेट भारी हुनु, आपन वायु बढ्नु, रिंगटा लाग्नु, टाउको दुख्नु, पेट फुल्नु गयास्ट्रिकका लक्षण हुन्। त्यसैगरी ग्यास्ट्रिकमा वाकवाकी लाग्ने, वान्ता हुने, ढ्याउ-ढ्याउ आउनु, वान्तामा रगत देखिने, कालो दिसा आउने, खाना नपच्ने, पेट हुडेल्ने, तौल कम हुने लक्षण देखिन्छ।
आमाशयका भित्तामा भएको इन्फ्लायिसन (सुन्निएर रातो तातो भएर दुख्ने समस्या) भने आमाशयका भित्ताको श्लेष्म झिल्ली च्यातिएर घाउ भएको अवस्थालाई भने ग्यास्ट्रिक अल्सर भनिन्छ। ग्यास्ट्रिकको प्रारम्भिक अवस्था हो भने अल्सर त्यसैको विकराल रूप हो।
ग्यास्ट्राइटिसलाई तीव्र तथा दीर्घ /जीर्ण गरेर दुई समूहमा बाँडिएको छ। तीव्र ग्यास्ट्राइटिस पेटका भित्ताहरूमा भएका कोषहरूका लागी हानी गर्ने पदार्थहरूको सेवनले गर्दा हुन्छ। यी पदार्थहरूमा, दुखाइ कम गर्ने औषधी (एस्पि्रन, बु्रफेन, निम्स, नेप्प्रोक्सिन) जस्ता औषधी, विषसेवन, मसला, खुर्सानी र नुन ज्यादा हालेको खानेकुरा, जाँड-रक्सी, कोकिनजस्ता मादकपदार्थ पर्दछ। आमाशयमा एच. पाइलोरिक लगायत अन्य ब्याक्ट्रेरिया, भाइरस, कृमि वा फंगसको संक्रमणले पनि हुने गर्छ।
जीर्ण ग्यास्ट्राइटिस रोग हाम्रो जीवनशैली खानपान, शैली मानसिकता र शरीरको प्रकृतिसँग जोडिएको छ। जथाभावी खानपानले पनि ग्यास्ट्रिक बढाउँछ। अनियमित जीवनशैली जस्तै भोक लागेको बेलामा नखाने, भोकभन्दा ज्यादा खाने, खाना निश्चित समयमा नखाने, पचाउन कठिन हुने खाना खाएपछि तत्कालै सुत्ने र शारीरिक श्रम गरेलगत्तै खानेहरूमा यो रोग ज्यादा देखिएको छ। व्यस्तता र भागदौडले भरिएको जीवन ज्यूँनेहरू, मानसिक तनावको चपेटामा परेकाहरू, मनोरञ्जन नगर्नेहरू, भय, चिन्ता, शोक उदासिनता र अनिद्राका रोगी, शारीरिक श्रम वा व्यायाम नगर्नेहरू पनि यो रोगका सिकार हुन्छन्। लामो समयसम्म जँाड-रक्सी, चिया, कफी,कार्बनिक पेय कोक, पेप्सी आदि खानेहरूमा पनि यो रोग ज्यादा देखिएको छ। ग्यास्ट्राइटिस आत्मघाती प्रतिरक्षा प्रणालीको कारणले पनि यो रोग हुने गर्छ। यसैगरी पेटको अपरेसन कलेजो, मिर्गौला, फियो तथा आन्द्राका रोग, एचआइभी/एड्स र विशेष मानसिक रोगावस्थामा पनि देखा पर्छ।
जटिलताहरूः
– यो रोगको समयमा नै उपचार नभए ग्यास्ट्रिक अल्सर तथा क्यान्सर हुन सक्छ। अल्सर हुँदा बारम्बार रक्तस्रावले गर्दा रक्तअल्पताका समस्या देखा पर्छ। यसैगरी भिटामिन बी-१२ को अवशोषणमा चाहिने तत्वहरूको उत्पादन हुन नसक्दा परनिसियस रक्तअल्पता, स्नायु तथा नाडीहरूको क्षय, अन्ननली सुन्निनु, दम बड्ने, मुखमा घाउखटिरा आइरहने, आन्द्रामा घाउ हुने, खानाको पाचन र अवशोषण सुचारु नहुने र मल निष्कासनमा जटिलता आई कब्जियतका लक्षण देखा पर्न सक्छन।

अहिले गर्मीको समय छ । तापक्रम बढेर नयाँ नयाँ किर्तिमान कायम गर्दैछ । गर्मी जति बढेपनि कामकाजी मानिसहरुले गर्मीको बेवास्ता गरेरै काम गर्नुपर्ने हुन्छ । यस्तोमा सरीरमा पानीको कमी हुने अर्थात् डिहाइड्रेसन हुने लगायतका विभिन्न खाले संक्रमण तथा स्वास्थ्य समस्या देखिन सक्छन् । डिहाइड्रेसनको खतरा गर्मी याममा निकै बढि हुने भएकाले आफ्नो खानपिनको आदतमा विशेष ध्यान दिन र जिउको रोगप्रतिरोधी क्षमता बढाइराख्न विशेषज्ञहरुले सल्लाह दिने गरेका छन् ।

पोषण विज्ञहरुका अनुसार गर्मीमा मानव शरीरबाट अत्यधिक पसिना निस्कने कारण इलेक्ट्रोलाइट असन्तुलित बन्दछ । त्यसकारण नियमित खानाको अलावा फलफूल तथा सागसब्जी र प्रसस्त सलाद लिनु जरुरी हुन्छ । गर्मी याममा सरीरमा पानीको पर्याप्त आपूर्तिका लागि प्रसस्त पानीको मात्रा हुने सागसब्जी तथा तरकारीहरु जस्तै फर्सी, करेला, लौका, पालुंगो, हरियो सिमीको भोजन गर्नुपर्छ ।
कामकाजी मानिसहरुका लागि रोगप्रतिरोधी क्षमता उच्च राख्नु अत्यन्त जरुरी हुन्छ । सोही कारण गर्मी याममा खाजाको रुपमा पनि दुध, फलफुल, जुस, टुसा उमारेको गेडागुडी लगायतका परिकार समावेश हुनु आवश्यक हुन्छ । त्यसका साथै बिहानको खानामा दालभात समावेश गर्नु राम्रो हुन्छ ।
बेलुकीको खानामा फाइबरयुक्त सागसब्जी, बन्दा तथा काउली र रोटीको सेवन गर्नु स्वस्थकर हुने र जिउले पचाउन सजिलो हुने बताइन्छ ।
गर्मी याममा डिहाइड्रेसनबाट बच्नका लागि ग्रीन टी अर्थात् कोल्ड कफीको सेवन निकै लाभदायी हुन्छ । गर्मीको समयमा सरीको पाचन प्रणालीमा समेत समस्या आउने भएकाले हल्का खाना खानुपर्छ नत्र अपच हुने जोखिम हुन्छ । लामो समयको अन्तरालमा धेरै खानेकुरा खानुभन्दा छिटो छिटो तर थोरै थोरै खानेकुरा खाएमा पचाउन सजिलो हुन्छ ।
त्यस्तै तरभुजा, खरभुजा, कांक्रो, लिची, स्याउ जस्ता मौसमी फलफुल खानुपर्छ, जसले सरीरमा पानीको पर्याप्त आपूर्ति गर्नुका साथै रोग प्रतिरोधी क्षमता पनि बढाउँछ । बजारमा पाइने चिसो पेय पदार्थको साटो दही, उखुको रस, नरिवल पानी तथा लस्सी पिउनु आवश्यक हुन्छ ।
अपच भएको अर्थात् पेटमा गडबडी भएको महसुस हुने बित्तिकै कागती पानी वा पुदिना पानी पिउनुपर्छ । पानी पर्याप्त मात्रामा पिउनुपर्छ, कम्तिमा पनि दिनको ३-४ लिटर ।
तेलमा तारेका, भुटेका खानेकुराहरु नखानु नै राम्रो हुन्छ । खानेकुरा पकाएर लामो समयसम्म नराख्नुहोस्, छिटै खानुहोस् । बासी खानेकुरा खाँदा रोगको संक्रमण हुने जोखिम हुन्छ ।
गर्मीमा चिया तथा तातो कफीले पनि फाइदा गर्दैन । बढि चिल्लो तथा नुनयुक्त ड्राइफुड्स तथा जंक फुडहरुको सेवन नगर्नु राम्रो हुन्छ । जाँडरक्सी तथा धुम्रपानको सेवन गर्मीयाममा अझ बढि हानिकारक मानिन्छ । source taja khabar

तातोपानीमा मह र कागती मिसाएर खाँदा हुने ९ फाइदा
१. पाचन सुधार्छ पाचनलाई सुधार्नका लागि बिहान तातो पानीमा मह र कागती मिसाएर खानुपर्छ । यसले पेट सफा राख्न मद्दत गर्नुका साथै कलेजोमा रसको उत्पादनलाई बढाउँछ, जसबाट पाचन प्रक्रियामा मद्दत मिल्छ । कागतीमा रहेको एसिडले पाचनप्रणालीलाई मजबूत पार्न मद्दत गर्छ र अवान्छित विषाक्त पदार्थलाई बाहिर निकाल्छ । यसका अलावा महले एक एन्टीब्याक्टेरियलको रुपमा काम गर्छ र शरीरमा रहेको कुनै पनि प्रकारको संक्रमण हटाउँन मद्दत गर्छ ।


 २. कब्जियत हटाउँछ तातोपानीमा मह र कागती मिसाएर खानाले कब्जियतलाई समेत निको पार्ट । यसले आँतलाई प्रोत्साहित गरेर दिसा खलास गर्नमा सहयोग गर्छ । यसका अलावा यसले आन्त्र म्युकसलाई बढावा दिन्छ । सुख्खा भएको दिसालाई भिजाउँछ । यसले दिसा गर्न सहयोग गर्छ ।

 ३. लिम्फेटिक सिस्टमको सफाईमा सहयोगी लिम्फेटिक सिस्टममा पानी र आवश्यक तरल पदार्थको कमी भएमा थकान महसुस हुन्छ । कब्जियत, सुत्न समस्या, उच्च या न्युन रक्तचाप, तनाव र मानसिक स्वास्थ्यमा असर पर्छ । बिहान–बिहान यो मिश्रण पिउनाले लिम्फेटिक सिस्टम सुख्खा हुन मद्दत गर्छ, जसबाट प्रतिरक्षा प्रणालीमा पनि सुधार हुन्छ ।

 ४. मुख स्वास्थ्यमा सुधार एसिडिक प्रकृतिको कागती, मह र तातो पानी पिउनाले मुख गन्हाउने समस्या समाधान हुन्छ । कागतीले आक्रामक ब्याक्टेरियालाई मारेर मुख शुद्ध गर्न मद्दत गर्छ । मुख गन्हाउने मुख्य कारण जिब्रोमा जमेको सेतो भाग (खाद्य तथा ब्याक्टेरियाका कारण यस्तो हुन्छ) पनि हो । कागतीसहितको यो मिश्रणले यस्तो सेतो भागलाई हटाएर मुख गन्हाउने समस्या प्राकृतिक रुपमा हटाउँछ ।

 ५. मूत्रबद्र्धक रुपमा कार्य गर्छ महमा शक्तिशाली एन्टीब्याक्टेरियल गुण हुन्छ । यसमा कैयौ प्रकारको संक्रमण हटाउने क्षमता हुन्छ । कागती, तातो पानी र महको मिश्रणले एक उत्कृष्ट मूत्रल (शरीरबाट पानी बाहिरनिकाल्ने तत्व) को रुपमा काम गर्छ । मूत्रमार्गलाई सफा गर्ने यो सबैभन्दा राम्रो तरिका हो । युटिआई या मूत्रमार्ग संक्रमणबाट पीडित महिलाका लागि यो मिश्रण वरदान साबित हुन्छ ।

६. इनर्जी लेबल बढाउँछ मह र तातो पानीको मिश्रणले शरीरमा इनर्जी वृद्धि गर्छ । शरीरमा बढी इनर्जी उत्पन्न हुँदा शरीरको मेटाबोलिज्म र कार्यप्रणालीमा वृद्धि हुन्छ । महले शरीरका अंगलाई ठीक ढंगबाट काम गर्न प्रेरित गर्छ । बिहान तातो पानी तथा कागतीका साथ मह लिनाले शरीर दिनभर उर्जावान बन्छ ।

७. तौल घटाउन उपयोगी मह, कागती र तातोपानीको मिश्रण सेवन गर्नाले भोक पनि कम लाग्छ । यसमा फाइबर पाइन्छ,जसले भोक र सुगर लेबललाई कम गरी पर्याप्त इनर्जी प्रदान गर्छ । यसैले नियमित रुपमा बिहान यसको सेवन गर्नाले दिनभर खाने खानामा पनि कमी हुन्छ । जसबाट तौल घटाउन पनि मद्दत मिल्छ ।

 ८. पोषक तत्व र भिटामिनले भरपूर मह र कागतीका साथ तातो पानी सेवन गर्दा शरीरका लागि एन्टीअक्सिडेन्ट, भिटामिन र अन्य पोषकतत्व पाइन्छ । यसका अलावा यसमा एन्टिइन्फ्लामेटोरी गुण पनि पाइन्छ । यसैले यसको सेवनले शरीरको रोगप्रतिरोधी प्रणाली मजबूत हुन्छ ।

९ . रोग प्रतिरोधी क्षमता मजबूत हुन्छ यसको नियमित सेवनले शरीरको प्रतिरोधी क्षमतामा वृद्धि हुन्छ । मह र कागतीमा भएको एन्टिअक्सिडेन्ट र अन्य पोषक तत्वले मौसम परिवर्तनसंगै हुने संक्रमणबाट पनि बचाउँछ ।source lumbini khabar

टन्सीलाईटीसको रोकथाम तथा उपचार
डा बिष्णु प्रसाद पण्डित
यो प्राय केटा केटीहरुलाइ लाग्ने रोग हो तर जुनसुकै उमेरमा पनि लग्न सक्छ्र घाटी दुखने, थुक निल्दा वा खान खादा अफ्ठयारो हुने , ज्वरो आउने प्राय यो रोगका लक्षण हुन््र टन्सिल लिम्फाइड नामक एक विशेष प्रकारको तन्तुहरुको समूह हो । यो मुखको भित्री भाग जिब्रोको अन्तिम भागतिर एजबचथलह नाकको बीचमा रहेको हाडमा रहेको हुन्छ । टन्सिलले हाम्रो शरीरको रोग प्रतिरोधात्मक प्रणालीमा महत्वपूर्ण भूमिका निभाउने गर्दछ । टन्सिलबाट लिम्फोसाइट र मोनोसाइट नामक दुई कोषको निर्माण हुन्छ जुन हाम्रो रोग प्रतिरोधात्मक क्षमताको महत्वपूर्ण अंश हो । यसका साथै टन्सिलले म्याक्रोकाज नामको कोष पनि निर्माण गर्दछ । यो कोषले शरीरभित्र प्रवेश गरेका जीवाणुलाई नष्ट गरेर हामीलाई रोग लाग्नबाट बचाउँछ। विभिन्न कारणले गर्दा यी टन्सिलमा संक्रमण भएर सुन्निनुलाई नै टन्सिलाइटिस भनिन्छ ।

कारणहरु
जीवाणु सरेर हुन सक्छ्र
सामान्य ब्याक्टेरियाहरु बाट हुनसक्छ्र
मुख र दातको राम्रोसंग सफाई नगर्नु्र
कुपोसन तथा घनावस्ती भएको ठाउमा हुनसक्छ्र

रोगको विकास
कान दुख्ने टाउको दुख्ने सम्पूर्ण शरीर गलेको दुखेको अनुभव हुनु कब्जियत र पेट दुख्ने समस्या पनि तीव्र टन्सिलाइटिसमा देखा पर्न सक्छ । मुखभित्र हेर्दा टन्सिलहरु सुन्निएका र रातो हुन्छ । कहिलेकाहीं यी दुई टन्सिल बढेर झण्डै एक अर्कासँग जोडिन पुग्छन् । जीर्ण टन्सिललाइटिसमा समय समयमा घाँटी दुखिरहने घाँटीमा केही अड्केको जस्तो अनुभव भइरहने मुख मीठो नहुने सास गन्हाउने जस्ता लक्षण हुनसक्छ । यदि टन्सिलहरु अत्यन्त ठूलो भएमा यसले हाम्रो बोलीमा खानेकुरा निल्न सास फेर्नमा समेत अप्ठ्यारो असजिलो अनुभव गराउन सक्छ । यसरी टन्सिलको संक्रमण यसको सही समयमा उपचार गरिएन भने विभिन्न जटिलता उत्पन्न हुनसक्छ । साथै टन्सिल वरिपरी पीप जम्मा हुनु कोन पाक्नु बाथ ज्वरो आउनु मिर्गौलाको संक्रमण हुनु र मुटुमा संक्रमण भएका मुटु सुनीने पनि हुन सक्छ । जीर्ण टन्सिललाइटिसको समयमा उपचार नभए टन्सिलको वरिपरि र टन्सिलमा पीप हुनु टन्सिलमा स्रीस्ट हुनु टन्सिलमा पत्थर बन्नु जस्ता जटिलता उत्पन्न हुनसक्छ ।

लक्षणहरु
सुरुमा बिरामीलाइ घाटीमा अफ्ठयारो हुनछ्र
भोक नलाग्ने र अल्छि लाग्न सक्छ्र
बिस्तारै ज्वरो आउन थाल्छ्र
टन्सिलहरु सुनिएको र रातो रातो देखीन्छ
त्यसपछि पनि निक्लिन थाल्छ्र
पिप बग्ने वा सुजन हुनछ्र
लिम्फमा तन्तुहरु सुनीन्छ र कडा हुन्छन्र
उपचार
आराम गर्नु पर्छ्र
झोल कुराहरु खानु पर्छ्र
ज्वरो कम गर्ने र दुखाई कम गर्ने एनेल्जेसिक दिनुपर्छ्र
पन्सिलिन नै राम्रो दवाई हो्रन्छsource taja khabar