News » .दुबै मृगौला गुमाएका कलाकारलाई रेखा थापाको आर्थिक सहयोग

नायिका रेखा थापाले आफ्नो फाउन्डेशनबाट दुवै मृगौला गुमाएका कलाकार प्रदीप सिंहको उपचारमा  ५० हजार नगद रुपैयाँ सहयोग गरेकी छन् ।

भक्तपुरको मानव अङ्ग प्रत्यारोपन केन्द्रमा उपचाररत कलाकार सिंहलाई ‘रेखा थापा फाउन्डेशन’ को तर्फबाट महासचिव एवं फिल्म निर्देशक सबिर श्रेष्ठ र अपकमिङ एक्टर आभाष अधिकारीले उक्त रकम हस्तान्तरण गरे । रकम हस्तान्तरण कार्यक्रममा सञ्चारकर्मी पनि साक्षी बने ।
आर्थिक सहयोग लिदैं कलाकार सिंहले नायिका रेखा थापा र उनको फाउन्डेशनलाई धन्यवाद दिए । अस्पतालको शैया बाट मलिन स्वरमा उनले भने, ‘रेखा बैनीको पहिलो फिल्ममा मैंले सँगै अभिनय गरेको थिएँ । मैंले नमाग्दा पनि उहाँले मलाई टाढा बाट सहयोग गर्नु भयो, यसको लागि म उहाँलाई हृदय बाटै धन्यवाद दिन चाहान्छु ।’ त्यस्तै रेखाको आगामी फिल्म ‘रामप्यारी’ का हिरो आभाष अधिकारी लाई भविष्य उज्वल होस् भन्दै उनले आशिष समेत दिए । रेखाले रजतपटमा डेव्यु गरेको फिल्म ‘हिरो’ मा कलाकार सिंहले पनि अभिनय गरेका थिए । एक सय बढी फिल्ममा अभिनय गरेका ५६ वर्षिय कलाकार सिंह दुवै मृगौलाले काम गर्न छोडेपछि विगत दुई साता देखि भक्तपुरको उक्त अस्पतालमा उपताररत छन् । उनको सहयोगाार्थ फिल्मकर्मीले पनि सहयोगी हात बढाइरहेका छन् ।
भूकम्प प्रभावितको सहयोगार्थ राहत संकलन कार्यका लागि हाल अमेरिकामा रहेकी रेखा थापाले आफ्नो फाउन्डेशन मार्फत मृगौला पिडित कलाकार र भूकम्प प्रभावित चार जना सञ्चारकर्मी, प्राविधिकलाई आर्थिक सहयोगी गर्दै आइरहेकी छन् । निर्माता एवं निर्देशक समेत रहेकी थापा बैशाख १२ गते गएको भूकम्प पछि प्रभावितको सहयोगमा जुटिरहेकी छन् । भूकम्पमा परी निधन भएका पशुपती आर्यघाटमा रहेकाको शव जलाउन आर्थिक सहयोग समेत रेखाले गरेकी छन् ।source taja khabar