पोखरामा भुवनको ‘ड्रिम्स’.
Advertisement
पाेखरा, जेष्ठ १९ - भुवन केसी सितिमिती क्यामेरा पछाडी हुँदैनन् । उमेर ढल्किए पनि उनी हिरो नै बन्न रुचाउँछन् । तर, यसपटक छोराका लागि उनले त्यो ठाउँ खाली गरे । यसैले फुलबारी रिसोर्टमा हिरोइनसँग कुम जोडेर अनमोल केसी नाचिरहेका भेटिए भने भुवन निर्देशकका रुपमा क्यामेरा पछाडि ।
चर्को गर्मीलाई चिसो बनाउन कृत्रिम पानीको छहरा प्रयोग गरिएको थियो । यही छहरामा भुवनका छोरा अनमोल र नयाँ हिरोइन सामराज्यलक्ष्मी शाह नृत्य गर्दै थिए ।
भुवन केसीले पहिलोपटक निर्देशन गरेको फिल्म ‘ड्रिम्स’को सुटिङ अहिले पोखरामा चलिरहेको छ । फिल्ममा अनमोल फुलबारी रिसोर्टको मालिकको चरित्रमा देखिएका छन् । यसैले होला गीतको सुटिङ पनि कविराज गहतराजले फुलबारीमै गराएका थिए ।
नायिका शाह सिनेमाका लागि नयाँ अनुहार हुन् । मोडलिङको अनुभव बटुलेकी उनले फिल्मको कथा मन परेकाले अभिनयमा गरेको बताइन् । ‘कडा मिहिनेत गर्नु परेको छ, तर पनि अभिनयमा मजा आइरहेको छ,’ उनले भनिन्, ‘अभिनय पहिलो भए पनि सबैको सहयोग पाइरहेकी छु ।’
‘ड्याडीको ड्रिम्म प्रोजेक्ट भएकाले सिनेमा सक्दो राम्रो बनाउन अभिनयलाई बलियो बनाउने कोसिस गरेको छु,’ अनमोलले भने । पिता भुवनले पनि उनको ड्ेरसअपदेखि सबै कुरा मिहिन ढंगले हेरिरहेकोले पनि पारिवारिक फिल्ममा काम गर्न झनै सजिलो भइरहेको उनले बताए ।
पहिलो फिल्म ‘होस्टल’बाटै सफलता पाएका अनमोलको गत वर्षको फिल्म ‘जेरी’ पनि हिट भएको थियो । अझै एक साता पोखरा वरपर फिल्मको सुटिङ हुने भुवनले बताए ।
सिनेमाको नाम नै ‘ड्रिम्स’ अनि निर्देशकीय क्षमता देखाउने पनि भुवनको ‘ड्रिम’ रहेको छ । ‘एक दुई वर्ष अघिदेखि नै निर्देशन गर्ने सोच थियो,’ भुवनले भने, ‘बल्ल अहिले त्यसलाई पूर्णता दिने तारतम्य मिल्यो ।’
भुवनले आफ्नो फिल्म प्रेमकथा भएको तर ‘भल्गर’ नभएको बताए । ‘परिवारसहित बसेर आनन्दसँग हेर्न मिल्ने फिल्म बनाउँदैछांै,’ उनले भने । यसअघि भुवनले करोडपति, नेपालीबाबु, सुपरस्टार र म तिमी बिना मरिहाल्छुको निर्माण गरेका थिए ।source
tajaonlinenews
Advertisement
Nepalese Rupee Exchange Rate