Sports News » .प्रेमिका हुँदाहुँदै रोनाल्डोले आफूसँग सम्बन्ध राखेको मोडलको दाबी

पछिल्लो समय प्रेमसम्बन्धलाई लिएर रियल म्याड्रिडका स्टार क्रिस्टियानो रोनाल्डो विवादको घेरामा रहँदै आइरहेका छन् । रसियन सुपरमोडल इरिना सायेकले रोनाल्डोसँग ब्रेकअपपछि उनी प्रेमसम्बन्धमा बफादार नबनेको आरोप समेत लगाइन् ।

अहिले आएर चिली एक प्लेब्वाई मोडलले मेक्सिकको पत्रिका रिफोर्मालाई अन्तरवार्ता दिँदै रोनाल्डोले प्रेमसम्बन्धमा हुँदा आफूसँग सम्बन्ध राखेको दाबी गरेकी छिन् । मोडल ड्यानीएल चाभेजले आफ्नो रोनाल्डोसँग रात बिताउने सपना पूरा गर्नका लागि गत नोभेम्बरमा सम्बन्ध राखेको बताएकी हुन् । ‘मैले सन् २०१४ को नोभेम्बरमा अमेरिकामा रोनाल्डोलाई भेटेकी हुँ । त्यसअघि नै हाम्रो इमेल र स्काइपमा कुरा हुन्थ्यो । रोनाल्डोले मलाई केही दिनका लागि त्यहाँ भेट्न भनेका थिए,’ उनले रिफोर्मालाई भनिन् ।
द सन पत्रिकाले पनि रोनाल्डोले रसियन सुन्दरीसँग सम्बन्ध हुँदा एक दर्जनभन्दा बढी पटक अन्य युवतीहरुसँग सम्बन्ध राखेको दाबी गरेको थियो । जसमा चिलियन मोडल पनि एक रहेको उल्लेख थियो ।
पूर्व प्रेमिका सायेकले पनि स्पेनिस पत्रिका होलालाई अन्तरवार्ता दिँदै उक्त कुरा साँचो रहेको संकेत गरेकी थिइन् । मोडल ड्यानीएल चाभेज गत महिना प्लेव्याई मेक्सीको घोषित भएकी थिइन् । केही समयअघि आफ्नो प्रेमीलाई जन्मदिनको उपहार स्वरुप अर्कै केटी उपहार दिएको भन्दै उनी चर्चामा आएकी थिइन् ।source nepali-khabarsite.