Breaking news » मोटरसाइकल दुर्घटनामा प्रहरी जवानको मृत्यु

२५ जेठ, काठमाडौं ।

मोटरसाइकल दुर्घटनामा परी भक्तपुरको जगातीस्थित महानगरीय प्रहरी वृत्तमा कार्यरत प्रहरी जवान बालकुमार कर्णको मृत्यु भएको छ ।

सोही कार्यालयमा कार्यरत प्रहरी जवान मानबहादुर महतोले चलाएको मोटरसाइकल गएराति कोटेश्वरमा दुर्घटना भएको जनाउँदै प्रहरी प्रधान कार्यालयले उनको सिभिल अस्पतालमा उपचारका क्रममा आज मृत्यु भएको बताएको छ । घाइते प्रहरी जवान महतोको सोही अस्पतालमा उपचार भइरहेको छ । मोटरसाइकलले सन्तुलन गुमाउँदा उक्त दुर्घटना भएको जनाइएको छ ।

अर्को दुर्घटना, प्रहरी घाइते

उक्त दुर्घटनाको खबर प्राप्त भएपछि प्रहरी प्रभाग कोटेश्वरबाट खटिएको प्रहरी हवल्दार मन्दिप कुमार पटेल र प्रहरी जवान विकास सापकोटालाई कोटेश्वरबाट जडीबुटीतर्फ गइरहेको मोटरसाइकलले ठक्कर दिँदा दुवै प्रहरी घाइते भएका छन् ।

मोटरसाइकल चालक काठमाडौँ महानगरपालिका–३० असनका रमेशकुमार शाही पनि घाइते भएका छन् । उनीहरूको पनि सिभिल अस्पतालमा उपचार भइरहेको छ । source nepaliheadlines