News » कति छन् मलेसियामा नेपाली ? यी हुन् विदेश बढी जाने १० जिल्ला

काठमाडौं, जेठ ३२ । वैदेशिक रोजगार विभागले तयार पारेको एक तथ्यांकले दुई दशकमा सबैभन्दा बढी नेपाली मलेसिया पुगेको देखाएको छ ।

आइतबार घोराहीमा प्रस्तुत तथ्यांक अनुसार यो अवधिमा साढे आठ लाख नेपाली मलेसियमा पुगेका छन् । तथ्यांकअनुसार आर्थिक वर्ष २०५१–०५२ देखि गत चैतसम्म कानुनी प्रक्रिया पूरा गरी काम गर्न मलेसिया जानेको संख्या ८ लाख ५० हजार २ सय ६९ पुगेको छ । यसमा ८ लाख ३२ हजार ९ सय पुरुष रहेका छन् भने १७ हजार तीन सय २२ महिला छन् ।


 बढी नेपाली जाने दोस्रो मुलुक कतार हो । कतारमा अहिलेसम्म ७ लाख १८ हजार २ सय ६९ जना पुगेका छन् । तेस्रो नम्बरको साउदी अरेबियामा ५ लाख २९ हजार २ सय ६४ नेपाली पुगेको तथ्यांक छ । दुई दशकको अवधिमा युएईमा ३ लाख ४७ हजार ७ सय ४८, कुवेतमा ९१ हजार ३ सय ४२, बहराइनमा ३५ हजार ८ सय ८ जना पुगेका छन् ।

ओमनमा २३ हजार ६ सय ८०, दक्षिण कोरिया २२ हजार २ सय ७२, लेबनान ११ हजार ८ सय ३०, जापान ८ हजार ७ सय २२ पुगेको सरकारी तथ्यांक छ ।

 वैदेशिक रोजगारमा जाने दश जिल्लामा धनुषा, झापा, मोरङ, महोत्तरी,सिरहा, नवलपरासी, सप्तरी, सुनसरी, रुपन्देही र सर्लाही रहेका छन् ।  आजको नागरिक दैनिकमा खबर छ । source dainik online khabar